ඔස්ට්රේලියාවේදී ලිංගික අපයෝජන චෝදනා 4කට මුහුණ දී අත්අඩංගුවේ පසුවන ශ්රී ලංකා ක්රිකට් ක්රීඩක ධනුෂ්ක ගුණතිලක සියලු චෝදනා සම්බන්ධයෙන් නිර්දෝෂීභාවය පවත්වා ගෙන යන බව ඔහුගේ නීතීඥයින් නිවේදනයක් නිකුත් කරමින් පවසයි.
සිඩ්නිහි නීති සමාගමක් වන SANS Law සමාගම ඔහු වෙනුවෙන් අධිකරණයේ පෙනී සිටීමට පියවර ගෙන තිබිණ.
“ධනුෂ්ක ගුණතිලක සියලු චෝදනා සම්බන්ධයෙන් තම නිර්දෝෂීභාවය පවත්වාගෙන යනවා. නඩු විභාගයේ මුල් අදියර සැලකිල්ලට ගෙන, අපි වැඩිදුර අදහස් දැක්වීමට කැමති නෑ. අධිකරණය ඉදිරියේ කාරණය නිසි ලෙස ඉදිරිපත් කිරීමට ඉඩ දෙන්නෙමු, ”යනුවෙන් ඔහුගේ නීතීඥයින්ගේ ප්රකාශයේ සඳහන් වේ.
31 හැවිරිදි ධනුෂ්ක ගුණතිලක ඉරිදා උදෑසන හෝටලයේදී අත්අඩංගුවට ගෙන ඇති අතර ඔහුට ලිංගික අතවර කිරීම් හතරක් සම්බන්ධයෙන් චෝදනා එල්ල විය.
