සීමාසහිත තිකෝ සමූහ ව්යාපාරයේ හිමිකරු තිළිණි ප්රියමාලි, ඇයගේ ව්යාපාරික සහකරු ඉසුරු බණ්ඩාර, හා අපරාධ සහායකයෙකු යයි කියන පූජ්ය බොරැල්ලේ සිරිසුමන හිමි නොවැම්බර් 16 දක්වා රක්ෂිත බන්ධනාගාර ගත කරන ලෙස කොළඹ කොටුව මහේස්ත්රාත් තිළිණ ගමගේ පසුගිය දා (2) නියෝග කළේය.
ව්යාපාරිකයන්ගෙන් රුපියල් බිලියන තුනක පමණ මුදල් වංචා කිරීමේ සිද්ධියක් සම්බන්ධයෙන් ඔවුන් අත්අඩංගුවට ගෙන ඇත.
පළමුව තිළිණි ප්රියමාලි හා ඉසුරු බණ්ඩාර යන දෙදෙනා ස්කයිප් මාර්ගයෙන් මහේස්ත්රාත්වරයා හමුවට ඉදිරිපත් කෙරිණ. විත්තිකරුවන් ඉදිරිපත් කළ ඇප ඉල්ලීම මහේස්ත්රාත්වරයා ප්රතික්ෂේප කළේය.
අනතුරුව සිරිසුමන හිමියන් මහේස්ත්රාත්වරයා හමුවට ඉදිරිපත් කෙරිණ. හිමිනම සඳුදා (31) අත්අඩංගුවට ගෙන ඇති අතර මූලික පරීක්ෂණ අවසන් වී නොමැති බව විමර්ශන නිලධාරීහු ප්රකාශ කළහ. උන්වහන්සේට ඇප ලැබුණහොත් ඉදිරි පරීක්ෂණවලට බාධා එල්ල වන බව අපරාධ පරීක්ෂණ දෙපාර්තමේන්තුවේ විමර්ශකයෝ පැවසූහ.
ව්යාපාරිකයෙකු වන කැරම් ද සිල්වා නමැත්තා බණ්ඩාර සමඟ හිමිනමගේ විහාරස්ථානයට පැමිණ ඇති බව අනාවරණය විය. එවැනි චාරිකාවල දී මෙම භික්ෂුව පරල වූ අයෙකු ලෙස පෙනී සිටිමින්, ප්රියමාලිගේ සමාගමේ ආයෝජනය කරන ලෙස ව්යාපාරිකයාගෙන් ඉල්ලා ඇත.
ව්යාපාරිකයා ඉඩම් හා වාහන කිහිපයක් විකුණා රු. මිලියන 750 ක් ආයෝජනය කර ඇති බව අධිකරණයට ප්රකාශ කෙරිණ.
ව්යාපාරිකයාට පවසා ඇත්තේ ඔහුගේ මුදල් ශ්රී ලංකාවේ ප්රමුඛ පෙළේ සමාගම්වල කොටස් මිල දී ගැනීමට යොදවා ඇති බවයි. කෙසේ වෙතත්, එම මුදල් ව්යාපාර කොටස්වල ආයෝජනය කර නොමැති බව විමර්ශන නිලධාරීහු අධිකරණයට ප්රකාශ කළහ.
කැරම් ද සිල්වා උන්වහන්සේට වටිනා ත්යාග රැසක් ද පරිත්යාග කර ඇති බව රහස් පරීක්ෂකවරු පැවසූහ.
බණ්ඩාරගේ නිවසේ තිබී රන් ආලේපිත පිත්තල පොලු අටක් සොයා ගත් බව ප්රධාන පොලිස් පරීක්ෂිකා නිරෝෂනී හේවාපතිරණ අධිකරණයට පැවැසුවාය. ප්රියමාලි අතිශයින් ධනවත් බව ආයෝජකයින්ට ඒත්තු ගැන්වීමට මේවා යොදා ගත් බව ද ඇය පැවසුවාය.
බණ්ඩාරගේ අම්මා ළඟ තිබී රුපියල් මිලියන 15 ක මුදලක් සොයා ගත් බව නිරෝෂනී හේවාපතිරණ ප්රධාන පොලිස් පරීක්ෂකවරිය අධිකරණයට දන්වා සිටියාය. ඒවා බණ්ඩාරගේ මුදල් බව ඔහුගේ අම්මා පොලිසියට පවසා ඇත.
බණ්ඩාර පෞද්ගලික බැංකු දෙකක තැන්පත් කර ඇති රුපියල් මිලියන හතක ගිණුම් අත්හිටු වන ලෙස රහස් පොලිසිය කළ ඉල්ලීමට අධිකරණයෙන් අවසර ලැබිණ.
ප්රියමාලි බන්ධනාගාරයට හොරෙන් ජංගම දුරකථනයක් රැගෙන ආ බවත් ඇය දුරකථන ඇමතුම් 11 ක් ලබා ගෙන ඇති බවත් විමර්ශන නිලධාරීන් විසින් අධිකරණයට ප්රකාශ කෙරිණ.
ඇය දුරකථන ඇමතුම් දුන් පුද්ගලයන් හය දෙනකුට ප්රකාශ ලබා දෙන ලෙස දන්වා තිබේ. කෙසේ වෙතත් ඔවුන් කිසිවකු අපරාධ පරීක්ෂණ දෙපාර්තමේන්තුවට පැමිණ නැති බව ද අධිකරණයේ දී ප්රකාශ විය.
ප්රධාන ධාරාවේ මාධ්ය සහ සමාජ මාධ්ය වෙබ් අඩවි තම සේවාදායකයා සම්බන්ධයෙන් අසත්ය තොරතුරු ප්රචාරය කරන බවත්, එසේ කිරීම වළක්වාලමින් මාධ්යයට නියෝගයක් නිකුත් කරන ලෙස ප්රියමාලි වෙනුවෙන් පෙනී සිටි නීතිඥවරු අධිකරණයෙන් ඉල්ලා සිටියහ.
මහේස්ත්රාත් ගමගේ කියා සිටියේ මාධ්යයට ප්රකාශ කළ හැකි සහ ප්රකාශ කළ නොහැකි දේ පිළිබඳව උපදෙස් දීමට අධිකරණයට නොහැකි බවයි.
– 2022 නොවැම්බර් 3 වෙනි දින The Island වෙබ් අඩවියේ පළ වූ, A. J. A. Abeynayake ලියූ, ‘Magistrate tells Priyamali’s lawyers he cannot gag media’ නම් ප්රවෘත්තිය lankaenews වෙබ් අඩවියට සිංහලට පරිවර්තනය කළේ, ආනන්ද විසිනි.
