පැමිණිල්ල මඟින් චෝදනා කර සිටින්නේ නියමිත බඳවා ගැනීමේ සුදුසුකම් සපුරා නොතිබූ යෝෂිත රාජපක්ෂ මහතාව විධායක අංශයේ මිඩ්ෂිප්මන්වරයකු ලෙස බඳවාගෙන ඇති බවයි. එමෙන්ම, ස්ථාපිත බඳවා ගැනීමේ ක්රියා පටිපාටියට පටහැනිව, රජයේ වියදමින් ඔහුව එක්සත් රාජධානියේ බ්රිතාන්ය රාජකීය නාවික විද්යාලයේ (Britannia Royal Naval College) පුහුණුව සඳහා යවා ඇති බවද පැමිණිල්ලේ සඳහන් වේ.
මහේස්ත්රාත්වරයා මෙහිදී වසන්ත කරන්නාගොඩට රුපියල් මිලියන 2.5 බැගින් වූ ශරීර ඇප දෙකක් මත මුදාහැරීමට නියෝග කළ අතර, ඔහුට විදේශ ගමන් තහනමක්ද පැනවීය.
මෙම නියෝගය ප්රකාශයට පත්කරමින් මහේස්ත්රාත්වරයා පෙන්වාදුන්නේ විමර්ශන තවමත් සිදුවෙමින් පවතින යන කරුණ පමණක් සැකකරුවෙකු රිමාන්ඩ් බන්ධනාගාරගත කිරීමට ප්රමාණවත් නොවන බවයි.
සැකකරු සාක්ෂිකරුවන්ට බලපෑම් කිරීමට හෝ විමර්ශනවලට බාධා කිරීමට උත්සාහ කර ඇති බවට කිසිදු කරුණක් අනාවරණය වී නොමැති බවත්, ඔහුව තවදුරටත් රිමාන්ඩ් බන්ධනාගාරගත කිරීමට තරම් ප්රමාණවත් හේතු ඉදිරිපත් කිරීමට පැමිණිල්ල අපොහොසත් වී ඇති බවත් උසාවිය මෙහිදී සලකා බලන ලදී.
මෙම නඩුවේ පළමු සැකකරු වන යෝෂිත රාජපක්ෂව, නාවික හමුදාවට බඳවාගැනීම සහ විදේශීය පුහුණුව ලබාදීම සම්බන්ධයෙන් කෙරෙන මෙම විමර්ශනයට අදාළව, 2026 ජූනි 17 වැනිදා අල්ලස් හෝ දූෂණ චෝදනා විමර්ශන කොමිෂන් සභාව විසින් අත්අඩංගුවට ගනු ලැබීය.
ප්රකාශයක් ලබාදීම සඳහා කොමිසම හමුවේ පෙනී සිටි අවස්ථාවේදී ඔහුව අත්අඩංගුවට ගෙන කොළඹ ප්රධාන මහේස්ත්රාත් අධිකරණයට ඉදිරිපත් කෙරිණි.
මහේස්ත්රාත්වරයා එදින යෝෂිත රාජපක්ෂව රුපියල් මිලියන 5 බැගින් වූ පෞද්ගලික ඇප තුනක් මත මුදාහැරීමට නියෝග කළ අතර, ඔහුටද විදේශ ගමන් තහනමක් පනවා ඔහුගේ ගමන් බලපත්රය අධිකරණයට බාරදෙන ලෙස නියෝග කළේය.
මේ පුවත තව අයට බලන්න
