එමීර් බලධාරීන්ට අනුව, මෙම ප්රහාරය හේතුවෙන් ප්රධාන තෙල් ගබඩා ටැංකි තුනක පමණ දැවැන්ත ගින්නක් හටගෙන ඇති අතර, ගින්න පාලනය කිරීම සහ සිදුවූ හානිය තක්සේරු කිරීම සඳහා හදිසි ආපදා සහන කණ්ඩායම් වහාම එම ස්ථානයට යොමු කර තිබේ.
ඉරාන රාජ්ය මාධ්ය මෙම ප්රහාරය සාධාරණීකරණය කරමින් ප්රකාශ කර ඇත්තේ, මෑතකදී ඉරාන ඉලක්ක වෙත ඇමෙරිකාව දියත් කළ යුද මෙහෙයුම් සඳහා කලාපීය කඳවුරු භාවිත කිරීමට ඉඩ ප්රස්ථා ලබා දුන් ගල්ෆ් කලාපීය රටවලට ප්රතිචාර දැක්වීමක් වශයෙන් මෙය සිදු කළ බවයි.
මෙම සිදුවීම මැදපෙරදිග කලාපීය නොසන්සුන්තාව උපරිම මට්ටමකට තීව්ර කර ඇති අතර, ඇමෙරිකා – ඉරාන ද්විපාර්ශ්වික ගැටුමෙන් ඔබ්බට ගොස් මුළු ගල්ෆ් කලාපයේම බලශක්ති යටිතල පහසුකම් ව්යසනයකට ඇද දැමීමට මෙයින් මඟ පෑදිය හැකි බවට බියක් හටගෙන ඇත.
මැදපෙරදිග ප්රධානතම බලශක්ති අපනයන මධ්යස්ථානයක් වන ෆුජයිරා හි සිදුවන මෙවැනි බිඳවැටීම් හේතුවෙන් ඉදිරියේදී ගෝලීය තෙල් වෙළඳපොළට සහ සාගර ආරක්ෂාවට දැඩි බලපෑම් එල්ල විය හැකි බව ආර්ථික විශ්ලේෂකයෝ අනතුරු අඟවති.
මේ පුවත තව අයට බලන්න
