බස්නාහිර පළාතේ නියමු ව්යාපෘතියක් ලෙස සුනඛ ආදාහනාගාර ඉදි කිරීමට රජයේ අවධානය යොමුවී ඇත. ලෝකය පුරා සුනඛ ආදාහනාගාර සංකල්පය මේ වන විට ක්රියාත්මක බවත් රැක බලා ගත් සුනඛයාගේ අවසන් කටයුතු ගෞරවනීය ලෙස සිදු කිරීමට මෙම සංකල්පය ආරම්භ කර ඇති බවත් ‘මානුෂීය ක්රම මගින් සත්ත්ව ගහනය කළමනාකරණය සඳහා පශු වෛද්ය එකමුතුවේ’ නිර්මාතෘ පශු වෛද්ය චමිත් නානායක්කාර මහතා පැවැසීය.
ලෝකය පුරා ආරම්භ කළ සුනඛ අනාථාගාර සංකල්පය මේ වන විට සම්පූර්ණයෙන්ම අසාර්ථක වී තිබෙන බවත් ඊට ගාල් කෙරෙන සුනඛයින් අතර සපාකෑම්, ලෙඩ රෝග බෝවීම් තිබෙන බවත් හෙතෙම පැවැසීය.හුදෙකලා ප්රදේශවල ආරම්භ කළ සුනඛ අනාථාගාර ආශ්රිතව ජනාකීර්ණවීම, එම ප්රදේශවලට පාලනයකින් තොරව සුනඛයින් බැහැර කිරීම බරපතල ගැටලු ගණනාවකට හේතුවූ බැවින් එම සංකල්පය අසාර්ථක වී ඇත.
ශ්රී ලංකාවේ හලාවත, ත්රිකුණාමලය සහ අනුරාධපුර ප්රදේශවල ආරම්භ කළ සුනඛ අනාථාගාර මේ වන විට වසා දමා ඇත. සුනඛ ආදාහනාගාර සංකල්පය ජනාකීර්ණ ප්රදේශවලට වඩාත් උචිත බවත් ආදාහනාගාරවලින් ලැබෙන ආදායම සත්ත්ව සුබ සාධනය සඳහා යෙදවීමට අවස්ථාවක් කරගතයුතු බවත් හෙතෙම පැවැසීය.
මෙරට සුනඛ ගහනය මිලියන දෙකයි දශම එකක් බවත් නිදැල්ලේ හැසිරෙන සුනඛ ගහනය සියයට තුනක් බවත් ඉතිරි සංඛ්යාව නිවාස තුළ හෝ පිටත ඇති කරන බවත් සුනඛ ගහනය පාලනයට සුනඛයින් සහ විශේෂයෙන්ම සුනඛ ගැහැනු සතුන් වන්ධ්යාකරණය කළයුතු බවත් වර්තමානයට ගැලැපෙන ලෙස නීති රීති සම්පාදනය කර සුනඛ ගහනය පාලනයට සහ සුනඛයින් මගින් බෝවන රෝග (ජලභීතිකාව) පාලනය වැදගත් බවත් පරිසරයට සුනඛයින් බැහැර කිරීම පාලනයට පියවර ගතයුතු බවත් පශු වෛද්ය චමිත් නානායක්කාර මහතා පැවැසීය.
නිමල් ගුණතිලක
Divaina
