17
ශ්‍රී ලංකා ක්‍රිකට් ආයතනය සංවිධාන කළ අවුරුදු 17න් පහළ ශ්‍රී ලංකා යූත් ලීග් එක්දින ක්‍රිකට් තරගාවලියේ ශූරතාව දිනා ගැනීමට විමත් දින්සරගේ නායකත්වයෙන් තරග කළ කොළඹ දකුණ කණ්ඩායම සමත් විය.
ජාතික තලයේ ක්‍රිකට් තරගාවලියක් පළමු වරට අනුරාධපුරයේදී පැවැත්වීම සනිටුහන් කළ මේ තරගාවලියේ අවසන් තරගයේදී කොළඹ දකුණ පිල හමුවේ මහනුවර කණ්ඩායම කඩුලු 6කින් පරාජයට පත් විය.
අනුරාධපුර සමාධි ක්‍රීඩාංගණයේ පැවති තරගයේ පළමුව පන්දුවට පහරදුන් මහනුවර පිල ලකුණු 192කට දවාගත් කොළඹ දකුණු ක්‍රීඩකයෝ ඕවර 35.4කදී ජයග්‍රාහී ඉලක්කය පසු කළේ කඩුලු 4ක් පමණක් දැවී තිබියදීය.
නායක විමත් දින්සර පන්දු 65කින් ලකුණු 77ක් රැස් කළ අතර, ඔහුගේ ඉනිම හතරේ පහර 11කින් සහ හයේ පහර 2කින් වර්ණවත් විය. රෙහාන් පීරිස් ලකුණු 52ක් ඉනිමට එක් කළේය.
මහනුවර – 192 (ඕවර 38.2) කෞෂික කුමාරසිංහ 47, ඇඩම් හිල්මි 42 (රන්දේශ් බණ්ඩාරනායක 29/3)
කොළඹ දකුණ – 193/4 (ඕවර 35.4) විමත් දින්සර 77, රෙහාන් පීරිස් 52, සුහස් ප්‍රනාන්දු 35 (රයන් ග්‍රෙගරි 34/2)
නිරෝෂාන් ප්‍රියංකර
