කැළණි ගඟ ද්රෝණියේ ඉහළ ධාරා ප්රදේශ වලට මේ වන විට මිලිමීටර් 300කට ආසන්න සැළකිය යුතු වර්ෂාපතනයක් ලැබී ඇත.
එම වර්ෂා තත්ත්වය සහ වාරිමාර්ග දෙපාර්තමේන්තුව මඟින් කැළණි ගඟ ද්රෝණිය තුළ නඩත්තු කරනු ලබන ගංඟා ජල මාපකවල ජල මට්ටම් විශ්ලේෂණය අනුව ඉදිරි පැය 24 ක කාලය තුළ රුවන්වැල්ල, සීතාවක, දොම්පෙ, දෙහිඕවිට, ඇහැළියගොඩ, යටියන්තොට, බුලත්කොහුපිටිය යන ප්රාදේශීය ලේකම් කොට්ඨාශයට අයත් කැළණි ගංඟා නිම්නයේ පහත්බිම් ප්රදේශවලට සුළු ගංවතුර තත්ත්වයක් ඇතිවිය හැකි බවට අනතුරු අඟවනු ලැබේ.
මේ තත්ත්වය සම්බන්ධයෙන් දැඩි සැලකිල්ලකින් කටයුතු කරන ලෙස එම ප්රදේශවල පදිංචි මහජනතාවගෙන් සහ ප්රදේශ හරහා ගමන් ගන්නා වාහන පදවන්නන්ගෙන් ඉල්ලා සිටිනු ලැබේ.
එසේම තවදුරටත් වර්ෂාව අධික වුවහොත් හංවැල්ල ප්රදේශයෙන් පහළ කැළණි ගංඟා නිම්නයේ පහත්බිම් ප්රදේශවලටද මෙම ගංවතුර තත්ත්වය ඇතිවීමට ඉඩ ඇත.
මේ සම්බන්ධයෙන් අවශ්ය පියවර ගන්නා ලෙස ආපදා කළමනා කරණ අංශ වලින් ඉල්ලා සිටිනු ලැබේ.
