පාස්කු ඉරිදා එල්ල වූ තේරස්ත ප්රහාරය සම්බන්ධයෙන් ක්රියාත්මක පරීක්ෂණ යළි පණගැන්වුණ ද, වත්මන් වන විට එම ක්රියාවලිය කිසියම් බාධාවකට ලක්ව ඇණහිට ඇති බව කොළඹ අගරදගුරු මැඳුර පෙන්වා දෙයි.
මෙම විමර්ශන කටයුතු ප්රමාද වීමට බලපෑ හේතු සහ ඒ පිටුපස සිටින පුද්ගලයන් පිළිබඳව අවධානයෙන් පසුවන බව අගරදගුරු මාධ්ය ප්රකාශක සිරිල් ගාමිණී පියතුමෝ සඳහන් කළහ.
උන්වහන්සේ අවධාරණය කළේ, අදාළ පරීක්ෂණ කඩිනමින් අවසන් කර වින්දිත පාර්ශවයන්ට සාධාරණය ඉටු කරන තෙක් කතෝලික සභාව බලා සිටින බවයි.
එමෙන්ම, අගරදගුරු මැඳුර විසින් සිදුකළ අඛණ්ඩ බලපෑම්වල ප්රතිඵලයක් ලෙස මෙම පරීක්ෂණ යළි ආරම්භ වූ බව සිහිපත් කළ පියතුමෝ, වත්මන් රජය මගින් ප්රහාරයේ සැබෑ වගකිවයුත්තන් නිරාවරණය කරනු ඇතැයි තවමත් විශ්වාසය තබා ඇති බවත් පැවසූහ.
කෙසේ වෙතත්, විමර්ශන ක්රියාවලිය ප්රමාද වීම පිළිබඳව උන්වහන්සේ සිය දැඩි කනගාටුව ද ප්රකාශ කර සිටියහ.
