හිටපු ජනාධිපති රනිල් වික්රමසිංහ මහතා (23) මහනුවර ඓතිහාසික පුරවරය වෙත පැමිණ මල්වතු සහ අස්ගිරි උභය මහා විහාරීය මහානායක ස්වාමීන් වහන්සේලා බැහැදැක ආශිර්වාද ලබා ගත්තේය.
පළමුව මල්වතු මහා විහාරය වෙත පැමිණි ඒ මහතා, මල්වතු පාර්ශ්වයේ මහානායක අතිපූජ්ය තිබ්බටුවාවේ ශ්රී සිද්ධාර්ථ සුමංගල මහානායක ස්වාමීන්ද්රයන් වහන්සේ බැහැදැක සුවදුක් විමසා සිටියේය.
අනතුරුව අස්ගිරි මහා විහාරය වෙත ගිය හිටපු ජනාධිපතිවරයා, අස්ගිරි පාර්ශ්වයේ මහානායක අතිපූජ්ය වරකාගොඩ ශ්රී ඥානරතන මහානායක ස්වාමීන්ද්රයන් වහන්සේ බැහැදැක ආශිර්වාද ලබා ගැනීමට කටයුතු කළේය.
මෙම බැහැදැකීම් අතරතුර හිටපු ජනාධිපතිවරයා සහ මහානායක හිමිවරුන් අතර මෙරට වත්මන් දේශපාලන තත්ත්වය පිළිබඳව විශේෂ සාකච්ඡාවක් පැවැත්වී ඇති බව වාර්තා වේ.
මහානායක හිමිවරුන් බැහැදැකීමෙන් අනතුරුව පිටතට පැමිණි රනිල් වික්රමසිංහ මහතාගෙන්, වත්මන් දේශපාලන කරුණු සම්බන්ධයෙන් මාධ්යවේදීන් ප්රශ්න කිරීමට උත්සාහ කළහ.
එහිදී මාධ්යවේදීන් නැගූ ප්රශ්නවලට කෙටි පිළිතුරක් ලබා දෙමින් හිටපු ජනාධිපතිවරයා සඳහන් කළේ, තමන් මේ වන විට සක්රීය දේශපාලනයේ නිරත නොවන බවයි.
