බොගවන්තලාව ප්‍රදේශයට ඇද හැලුණු අධික
වර්ෂාව හේතුවෙන් කෙසල්ගමුව ඔයට ජලය ගෙන යන විද්‍යාලය අසල කුඩා ඇළ පිටාර ගැලීම
හේතුවෙන් මුළු විද්‍යාල පරිශ්‍රයම අර්ධ වශයෙන් ගංවතුර
පිරියාමෙන්
පීඩාවට පත් වූ බව බොගවන්තලාව පොලිසිය පවසයි.
මේ අතර, හෙට උසස් පෙළ විභාගයට පෙනී
සිටීමට නියමිතව සිටි සිසුන් ද විද්‍යාලයේ පරිශ්‍රයට ඇතුළු වන ගංවතුර හේතුවෙන්
පීඩාවට පත්වනු ඇති බවද පොලිසිය අනතුරු හඟවයි
,
උසස් පෙළ විභාගය සඳහා සකස් කරන ලද ශාලාවට
ද බලපෑම් එල්ල වී ඇති බව විද්‍යාලයේ විදුහල්පති සුන්දරේසන් මහතාද
මාධ්‍ය වෙත අදහස් දක්වමින් පැවසීය.
මේ අතර, වියළි කාලයේදී ගඟ පුළුල් කිරීම
සඳහා බැකෝ යන්ත්‍ර ගෙන ආවත් ගඟ නිසි ලෙස පුළුල්
නොකර ඔවුන් ආපසු යවා ඇති බව දෙමාපියන් පැවසූහ.
මෙම සිද්ධිය සම්බන්ධයෙන් විද්‍යාලය අසල
ගඟ පුළුල් කිරීම සඳහා අදාළ පාර්ශ්වයන් විසින් සුදුසු පියවර ගත යුතු බවට දෙමාපියන්
කනගාටුව පළ කරති.
ආර්.එෆ්.එම්.සුහෙල්
