21
ඉන්දීය ප්‍රහාරක යානා 5ක් බිම හෙළූ බව පාකිස්තාන හමුදාවෙන් නිවේදනයක්
සිය පාලනය යටතේ පවතින කාශ්මීර් කලාපයට ඉන්දියාවෙන් එල්ල වූ ගුවන් ප්‍රහාරයෙන් කුඩා දරුවකු ඇතුළු සිවිල් වැසියන් 26 දෙනකු ජිවිතක්ෂයට පත්වූ බවත්, තවත් 46 දෙනකු තුවාල ලැබූ බවත් පාකිස්තාන හමුදාව ප්‍රකාශ කර ඇතැයි වාර්තා වේ. ඉන්දියාවේ ප්‍රහාරයට කඩිනමින් ප්‍රතිචාර දක්වන බවටද එරට හමුදාව ප්‍රකාශ කළ බව විදෙස් මාධ්‍ය වාර්තා කරයි. ජම්මු කාශ්මීර් ප්‍රහාරයට පාකිස්තානය සම්බන්ධව බවට චෝදනා කරමින් ඉන්දියාව පෙරේදා අලුයම එම ප්‍රහාරයට පැමිණි ඉන්දීය ගුවන්යානා 5ක් බිම හෙළූ බවත්, ඉන් දෙකක් ඉන්දීය පාලනය යටතේ පවතින ජම්මු කාශ්මීරයේ ගම්මානවලට කඩා වැටුණු බවත් පාකිස්තාන හමුදාව වැඩිදුරටත් සඳහන් කර ඇතැයි විදෙස් මාධ්‍ය වාර්තා කරයි. ඉන්දීය ගුවන් ප්‍රහාරයත් සමඟ පාකිස්තාන කාශ්මීරයට හදිසි තත්ත්වයක් ප්‍රකාශයට පත් කර ඇති අතර, ඉන්දියාවේ ප්‍රහාරය හෙළා දකින බවට පාකිස්තාන අගමැති ශෙබාස් ෂරිෆ් නිවේදනය කර ඇතැයි ද වාර්තා වේ. ඉන්දියාව විසින් සිදු කළ මේ ගුවන් ප්‍රහාරයට ප්‍රතිචාර දැක්වීමට පාකිස්තානයට අයිතියක් ඇතැයි ද අගමැතිවරයා සඳහන් කර තිබේ. ඉන්දීය ප්‍රහාරය සම්බන්ධව සුදුසු ක්‍රියාමාර්ග ගැනීමට පාකිස්තාන අගමැතිවරයා එරට හමුදාවට බලය පැවරූ බව ඊයේ පාකිස්තාන අගමැති කාර්යාලය නිවේදනය කර තිබේ.
