25
ප්‍රංශයේ පැරිස් නුවර පැවති පැරාලිම්පික් ක්‍රීඩා උලෙළේ පිරිමි F44 (දණහිසට පහළින් එක් පාදයක හෝ පාද දෙකෙහිම ක්‍රියාකාරීත්වය මධ්‍යස්ථ ලෙස අඩුව ඇති) කාණ්ඩයේ හෙල්ල විසි කිරීමේ ඉසව්වෙන් නව ලෝක වාර්තාවක් සමඟ රිදී පදක්කම දිනාගත් සමිත දුලාන්ට ඔහු සේවය කරන ශ්‍රී ලංකා යුද හමුදාවෙන් රුපියල් ලක්ෂ 20ක මුදල් ත්‍යාගයක් පිරිනැමෙයි.
යුද හමුදාධිපති ලුතිනන් ජෙනරාල් විකුම් ලියනගේ මහතා විසින් නව ලෝක වාර්තාව බිහි කළ සමිත දුලාන්ගේ දක්‍ෂතා හා කැපවීම අගය කළ අතර, යුද හමුදාවේ උණුසුම් පිළිගැනීම් මැද හමුදා මූලස්ථානය වෙත කැඳවා එන ලදී.
පැරිස් ස්ටේට් ඩී ෆ්‍රාන්ස් ක්‍රීඩාංගණයේ පැවති හෙල්ල විසි කිරීමේ ඉසව්ව මීටර් 67.03ක දක්ෂතාවකින් සමිත දුලාන් දෙවැනි තැනට පත් විය. මේ වසරේ මැයි මාසයේ ජපානයේ කොබේහි පැවති ලෝක පැරා මලල ක්‍රීඩා තරගාවලියේදී ඔහු විසින් මීටර් 66.49කින් පිහිටුවා තිබූ තමාගේම ලෝක වාර්තාව පැරිස් නුවර දක්ෂතාවයෙන් මකා දැමුවේය.
ප්රින්ස් ගුණසේකර
