23
බිබිල ප්‍රාදේශීය ලේකම් කොට්ඨාසය තුළ පිහිටි රාජ්‍ය ආයතනවල සුහදතාවය වර්ධනය කිරීමේ අරමුණින් සංවිධාන කළ අන්තර් රාජ්‍ය ආයතන සුහද ක්‍රිකට් තරගාවලියේ ශූරතාව දිනා ගැනීමට බිබිල ප්‍රාදේශීය ලේකම් කාර්යාල පිල සමත් විය.
බිබිල මහජන ක්‍රීඩාංගණයේ පැවති තරගාවලියේදී කණ්ඩායම් 10ක් ලීග් ක්‍රමයට තරග වැදුණු අතර, අවසන් තරගය බිබිල ප්‍රාදේශීය ලේකම් කාර්යාල ක්‍රිකට් කණ්ඩායම සහ මහාචාර්ය සේනක බිබිලේ අනුස්මරණ රෝහල් කණ්ඩායම අතර පැවැත්විණි.
බිබිල ප්‍රාදේශීය ලේකම් කපිල බණ්ඩාර මහතා සංවිධාන කළ තරගාවලියේ ජය සංකේත ප්‍රදානය හිටපු ඇමති ගාමිණී විජිත් විජයමුණි සොයිසා මහතා අතින් සිදු කෙරිණි.
ඌව වෙල්ලස්ස විශේෂ ඩී.එස්. ගුණතිලක
