22
ඉන්දියාවේ දුම්රිය සේවාව ක්‍රියාත්මක නොවන එකම ප්‍රාන්තය වන සිකිම් ප්‍රාන්තයේ වසර 49ක ඉතිහාසයේ පළමු දුම්රිය ස්ථානයේ වැඩ කටයුතු ආරම්භ කර ඇතැයි එරට මාධ්‍ය වාර්තා කළේය. ඉන්දීය අගමැති නරේන්ද්‍ර මෝදි පසුගියදා නව දුම්රිය ස්ථානයේ මුල්ගල තැබූ බවත්, එය ඉන්දීය මුදලින් රුපියල් කෝටි 41,000ක් වටිනා එරට දුම්රිය යටිතල පහසුකම් නඟා සිටුවීමේ ව්‍යාපෘති 2000ක් යටතේ ක්‍රියාත්මක වන බවත් ඉන්දීය මාධ්‍ය වැඩිදුරටත් වාර්තා කළේය.
එය උතුරු ඉන්දියාවේ භූතාන දේශසීමාව ආසන්නයේ පිහිටි සිකිම් ප්‍රාන්තයේ සිවොක් සහ රන්ග්පෝ පළාත් අතර අදියර තුනකින් සමන්විත දුම්රිය මාර්ග ව්‍යාපෘතියට අයත් වන අතර, කිලෝමීටර් 45ක දුරකින් සමන්විත බවත් වාර්තා වේ. රන්ග්පෝ දුම්රිය ස්ථානය ඉදිකිරීමෙන් පසු බටහිර බෙංගාලය සහ සිකිම් ප්‍රාන්තය අතර ගමනාගමනය පැය කිහිපයකින් අඩු වනු ඇතැයි ද වාර්තා වේ. එම දුම්රිය මාර්ගයට දුම්රිය ස්ථාන 5ක්, පාලම් 22ක් සහ උමං මාර්ග 14ක් ඇතුළත් වන බවත්, බෙංගාලයේ ටීස්ටා බසාර් පළාතේ දිගම උමං දුම්රිය ස්ථානය ද ඉදිවන බවත් ඉන්දීය මාධ්‍ය වැඩිදුරටත් වාර්තා කළේය.
