ගිනිකොණ දිග බෙංගාල බොක්ක ආශ්රිතව පවතින අඩු පීඩන කලාපය ඉදිරි පැය 48 තුළ පීඩන අවපාතයක් දක්වා වර්ධනය වී, බටහිරට බරව වයඹ දෙසට ගමන් කරමින් හෙට (20) සහ අනිද්දා (21) දින වනවිට ශ්රී ලංකාවේ උතුරු වෙරළට ආසන්නව තමිල්නාඩු ප්රදේශයට ගමන් කිරීමේ වැඩි හැකියාවක් පවතින බව කාලගුණවිද්යා දෙපාර්තමේන්තුව පවසයි.
නැගෙනහිර පළාතේ විටින් විට වැසි ඇති වේ.
ඇතැම් ස්ථානවලට මිලිමීටර් 50ට වැඩි තරමක් තද වැසි ඇති විය හැක.
දිවයිනේ සෙසු ප්රදේශවල ප්රධාන වශයෙන් වැසි නොමැති කාලගුණ තත්වයක් පවතී.
උතුරු, උතුරු මැද සහ නැගෙනහිර පළාත්වල විටින් විට හමන පැයට කිලෝ මීටර් 40ක 50ක පමණ තද සුළං ඇතිවිය හැක.
සබරගමුව, ඌව සහ මධ්යම පළාත්වල උදෑසන කාලයේ මිදුම් සහිත තත්වයක් පැවතිය හැකි බවද වැඩිදුරටත් කාලගුණවිද්යා දෙපාර්තමේන්තුව නිකුත් කළ නිවේදනයේ සඳහන් වේ.
